؞   اعظم گڑھ کے دو سگے بھائیوں سمیت تین لوگوں کا سعودی میں قتل
۱۵ جنوری/۲۰۱۹ کو پوسٹ کیا گیا
اعظم گڑھ (ابو زید/حوصلہ نیوز): اعظم گڑھ کے دو سگے بھائیوں سمیت تین لوگوں کے سعودی عرب میں قتل کا معاملہ سامنے آنے سے پورے اعظم گڑھ میں غم کا ماحول ہے اور مقتولین کے گھروں میں کہرام مچا ہوا ہے۔
اطلاع کے مطابق اعظم گڑھ کے تین لوگ جس میں سے زمین رسول پور کے رہنے والے دو سگے بھائی شفقت ولد شمس الضحٰی اور شمیم ولد شمس الضحی اس کے علاوہ موضع باسو پور تھانہ جین پور کے رہنے والے فیاض احمد ولد مسعود مرحوم سعودی عرب کے دارالحکومت ریاض میں گزشتہ تقریبا 15 سالوں سے کسب معاش کے سلسلے میں رہتے تھے ۔ گزشتہ دس دنوں سے یہ تینوں افراد لاپتہ تھے جس کا سراغ نہیں مل پا رہا تھا۔ منگل کی رات ان تینوں لوگوں کی لاش برآمد ہوگئی ہے۔
اطلاع کے مطابق سعودی خفیہ ایجنسی نے اب تک اس معاملہ میں نصف درجن سے زائد افراد کو گرفتار کیا ہے۔ اور تینوں لاشوں کو ہندوستانی وزارت کے حوالے کردیا ہے۔
منگل کی رات جب یہ خبر پسماندگان کو ملی تو ان کے گھروں میں کہرام مچ گیا، فیاض احمد کے بیٹے محمد عاطف کو اپنے والد کا صدمہ برداشت نہ ہوسکا اور طبیعت زیادہ خراب ہونے کی وجہ سے ان کو اعظم گڑھ شہر کے اسپتال میں داخل کرانا پڑا۔
سعودی عرب جیسے ملک میں ہوئے اس بہیمانہ قتل سے پورے اعظم گڑھ میں غم کا ماحول ہے۔

0 لائك

0 پسندیدہ

0 مزہ آگیا

0 كيا خوب

7 افسوس

1 غصہ


 
؞ ہم سے رابطہ کریں

تبصرہ / Comment
آپ کا نام
آپ کا تبصرہ
کود نقل کريں
؞   قارئین کے تبصرے
Commented on : 2019-01-15 04:39:10
Zeeshan ahmad from Riyadh : اب تک جتنی بھی بات سامنے ائ ہے ساری بات محض ایک افواہ ہے۔سب کا اپنا اپنا اندیشہ ہے۔ہاں CBI کو کچھ لاش ملی ھے لیکن انھوں نے کوئ خلاصہ نھی کیا ہے کہ یہ وہی لوگ ہیں اور نہ ہی embassy نے کچھ بولا ہے اس لئے براے کرم غلط نیوز نہ دے ہاں اگر آپ کے پاس کوئ ثبوت ہے تو وہ بھی منسلک کریں

تازہ ترین
سیاست
تعلیم
گاؤں سماج
HOME || ABOUT US || EDUCATION || CRIME || HUMAN RIGHTS || SOCIETY || DEVELOPMENT || GULF || RELIGION || SPORTS || LITERATURE || OTHER || HAUSLA TV
© HAUSLA.NET - 2019.